Programa Benestar en Balnearios

Escoitar

A Xunta volve a poñer en marcha o programa de Benestar en Balnearios. Unha experiencia de lecer e saúde destinada aos maiores de Galicia.

En que consiste?

Estadías de 10 días en réxime de pensión completa (aloxamento, almorzo, comida e cea) a escoller entre 15 balnearios de Galicia en varias quendas, nos meses de novembro e decembro de 2022.

A quen vai dirixido?

Maiores de 60 anos (ou maior de 55 en condición de pensionista) e acompañante, se se desexa (pódense solicitar 2 prazas máximo por persoa)

Cal é o prazo de inscrición?

Actualmente o prazo de inscrición está pechado. Estivo aberto do 10 ao 24 de outubro de 2022, ambos incluídos, para a convocatoria do programa no 2022.

Para o 2023 abrirase unha nova convocatoria.

Como e onde se solicita a praza?

Online: tramitación en liña na sede electrónica da Xunta de Galicia
Presencial: en calquera rexistro oficial da Xunta de Galicia, así como en calquera oficina de Correos presentando a solicitude impresa que se pode descargar na propia sede electrónica e na web da Consellería de Política Social e Xuventude.

Solicitude xeral

Descarga aquí a solicitude para o/a teu acompañante segundo corresponda:

Solicitude xeral de acompañante (cónxuge de calquera idade, ou persoa distinta do conxuge que cumpla o requisito de idade, é dicir, maior de 60 ou de 55 se é pensionista)
Solicitude específica fillo/a acompañante con dependencia (o acompañante poderá ser un fillo sempre que teña recoñecido un mínimo do 33% de dependencia)

Cal é o custo?

Establécese unha tarifa fixa por estadía completa que varía en función do establecemento termal escollido (consulta o folleto).

A Xunta de Galicia financia ao redor dun 40% do custo total.

Como confirmar a reserva?

Tan pronto se reciba confirmación oficial da concesión da praza, contactarase co balneario escollido directamente para seleccionar a quenda de interese, e depositar 30€ en concepto de reserva. O importe restante abonarase á chegada ó establecemento.

Estes son os 15 balnearios de Galicia a escoller:

A CORUÑA