Certificado de neno concibido non nado
Certificado de neno concibido non nado
O certificado de neno concibido non nado é un documento expedido pola Xunta de Galicia que asimila como descendente ao fillo concibido non nado á hora de obter beneficios para as familias numerosas.
Isto permite que, por exemplo, no caso de que unha familia con dous fillos estea esperando un terceiro, poida ter a condición de familia numerosa antes de que se produza o parto, o que lle daría a posibilidade de gozar dos beneficios que leva consigo.
O obxectivo deste certificado é facilitar o acceso e a planificación ás familias que estean a punto de converterse en numerosas de categoría xeral ou, no seu caso, á hora de pasar a categoría especial.
Galicia foi a primeira comunidade autónoma de España en permitir á familia con fillos concibidos, pero aínda non nados, beneficiarse do que lles corresponderá tan pronto nazan.
Onde podo solicitalo?
A través da sede electrónica da Xunta: Procedemento BS423A.
Presencialmente nalgunha das delegacións territoriais da Xunta.
Documentación necesaria:
- Impreso de solicitude.
- Orixinal do Libro de Familia.
- Orixinais dos DNI ou NIE.
- Certificado orixinal de empadroamento.
- Certificado médico acreditando embarazo ou posible data de parto