Solicitude de recoñecemento do grao de discapacidade
Certificado do grao de discapacidade
Trátase do documento que acredita a discapacidade das persoas.
Está dirixido a persoas de calquera idade, con deficiencias permanentes non recuperables. As pautas de valoración fundaméntanse sobre todo nos efectos para a capacidade de realizar as actividades básicas da vida diaria.
Este recoñecemento efectúase a través dos Equipos de valoración e orientación (EVO) dependentes dos departamentos territoriais da Consellería de Política Social e Igualdade. Se alcanzan unha porcentaxe igual ou superior ao 33% poden acceder a unha serie de beneficios: fiscais, laborais, económicos, educativos, sociais, entre outros. Para obter información sobre o procedemento pode consultar no servizo de información telefónico 012 (981 900 643)
Lugar de presentación de solicitudes
Preferiblemente por vía electrónica a través do formulario electrónico normalizado dispoñible na sede electrónica da Xunta de Galicia, https://sede.xunta.es.
No caso de facelo de xeito presencial, pode facerse nas seguintes localizacións:
-
Rexistro electrónico do concello ao que corresponda o enderezo da persoa solicitante.
-
Rexistros electrónicos dos Departamentos Territoriais da Consellería de Política Social e Igualdade.
-
En calquera dos lugares e rexistros establecidos no artigo 16.4 da Lei 39/2015, de 1 de outubro, do Procedemento Administrativo Común das Administracións públicas.
Equipos de valoración e orientación (EVO)
Son equipos multidisciplinares compostos por persoal con perfil de médico, de psicólogo e de traballador social que realizan as actuacións destinadas á valoración e cualificación da discapacidade, así como de orientación para a habilitación, rehabilitación e medidas destinadas a mellorar a vida das persoas con discapaidade.
Localizacións dos equipos de valoración:
|
Localidade |
Enderezo |
Teléfonos |
|
|---|---|---|---|
|
A Coruña |
Edificio administrativo de Monelos. R/ Vicente Ferrer, 2. 15071 |
981 182 482 981 182 523 |
evo.ctb.coruna [at] xunta.gal (evo[dot]ctb[dot]coruna[at]xunta[dot]gal) |
|
Santiago |
R/ Queixume dos Pinos nº2, Edificio CEGADI 15705 |
881 999 224 |
evo.ctb.santiago [at] xunta.gal (evo[dot]ctb[dot]santiago[at]xunta[dot]gal) |
|
Ferrol |
Edificio administrativo. Praza Camilo José Cela, s/n. 15403 |
981 337 232 981 337 237 |
evo.ctb.ferrol [at] xunta.gal (evo[dot]ctb[dot]ferrol[at]xunta[dot]gal) |
|
Lugo |
Rúa Serra dos Ancares, 68 baixo. 27003 |
982 889 133 |
evo.ctb.lugo [at] xunta.gal (evo[dot]ctb[dot]lugo[at]xunta[dot]gal) |
|
Ourense |
Rúa Sáenz Díez, 33. 32003 |
988 386 152 |
evo.ctb.ourense [at] xunta.gal (evo[dot]ctb[dot]ourense[at]xunta[dot]gal) |
|
Pontevedra |
Avenida de Vigo, 16. 36003 |
886 159 834 |
evo.ctb.pontevedra [at] xunta.gal (evo[dot]ctb[dot]pontevedra[at]xunta[dot]gal) |
|
Vigo |
Rúa Faisán,12 - 36205 |
886 120 710 |
evo.ctb.vigo [at] xunta.gal (evo[dot]ctb[dot]vigo[at]xunta[dot]gal) |
VÍDEOS PARA PERSOAS CON DISCAPACIDADE AUDITIVA. 
CUESTIONARIO
“Este cuestionario ten carácter voluntario, non é obrigatoria a súa presentación pero si recomendable. O obxectivo é coñecer e recoller a opinión do propio interesado sobre as dificultades concretas que presenta á hora de realizar as actividades cotiás da súa vida diaria e na súa contorna habitual. Debe presentalo cumprimentado o día da cita da valoración e será recollido polo técnico respectivo”