Axudas para persoas con ELA
Galicia foi a primeira Comunidade Autónoma en contar cunha axuda directa para as persoas diagnosticadas con Esclerose Lateral Amiotrófica (ELA) ou os seus fenotipos.
A Xunta de Galicia subvenciona con ata 12.000 euros ao ano para que os pacientes desta doenza poidan facer fronte aos diferentes gastos asociados.
Esta axuda é compatible con outras outorgadas coa mesma finalidade por todo tipo de organismos.
- Requisitos
-
- Estar diagnosticado de ELA ou calquera dos seus fenotipos
- Ter recoñecida ou solicitada a situación de dependencia
- Levar 6 meses empadroado en Galicia
- Ter 18 anos cumpridos
- Que gastos se subvencionan?
-
Subvenciónanse múltiples gastos no caso de que non estean xa cubertos polo sistema público de saúde ou mutua correspondente. Exemplos de gastos que poden ser xustificables:
- Mobilidade persoal: andadores, cadeiras de rodas, guindastres
- Produtos de aseo e coidado persoal: cremas, roupa adaptada
- Equipos médicos: inhaladores, tensiómetros, exercitadores físicos e respiratorios
- Adaptación do mobiliario: camas articuladas, mesas regulables, barras de apoio
- Obras de accesibilidade na vivenda: ascensores, ramplas ou domótica
- A compra dun vehículo adaptado ou a adaptación do mesmo
- Servizos profesionais como fisioterapia, logopedia, coidadores