Escolas infantís 0-3

As escolas infantís

As escolas infantís son centros educativos dirixidos a nenos e nenas de 0 a 3 anos, nos que se desenvolve o primeiro ciclo de educación infantil. Ademais da súa función educativa, ofrecen un servizo que facilita a conciliación da vida familiar e laboral durante 11 meses ao ano.

Desde 2022, as escolas infantís de Galicia son gratuítas para todas as familias, tanto nas públicas como nas privadas e nas de iniciativa social. Galicia foi a primeira comunidade autónoma en implantar esta medida.

Para beneficiarse da gratuidade non é necesario realizar ningún trámite: é a propia escola infantil a que formaliza a súa adhesión ao programa e debe anuncialo publicamente. Na actualidade, a práctica totalidade das escolas infantís de Galicia están adheridas.
 

Relación de escolas infantís da rede pública autonómica

 

A rede de escolas infantís públicas autonómicas está integrada por centros dependentes de dúas entidades:

• Escolas infantís da Axencia Galega de Servizos Sociais (AGASS)
• Escolas infantís do Consorcio Galego de Servizos de Igualdade e Benestar (Galiña Azul)    

Como se accede ás escolas da Xunta?

 

Hai dous procesos segundo a entidade da que dependen:

Acceso ás escolas infantís da Axencia Galega de Servizos Sociais

► Solicitude electrónica (preferente):

• Solicitude de novo ingreso
• Solicitude de renovación de praza
• Solicitude para escolas reservadas a persoal da Xunta  

 

► Solicitude presencial:​

Pode presentarse en calquera dos lugares e rexistros oficiais cubrindo os seguintes impresos:

• Impreso de solicitude de novo ingreso
• Impreso de solicitude de renovación de praza

Acceso ás escolas infantís do Consorcio - Galiña Azul

► Solicitude electrónica (preferente):

• Solicitude de novo ingreso
• Solicitude de renovación de praza

 

► Solicitude presencial:

Pode presentarse en calquera dos lugares e rexistros oficiais cubrindo os seguintes impresos:

• Impreso de solicitude de novo ingreso
• Impreso de solicitude de renovación de praza

Prezo dos servizos complementarios

 

A Xunta financia o 100% da atención educativa. As familias que desexen servizos complementarios, como comedor ou horario ampliado, aboarán en función da súa renda:

Aplicaranse os seguintes descontos:

Prazos de matriculación

 

A Xunta de Galicia abre o martes 17 de marzo de 2026 o período de solicitude de praza nas escolas infantís da rede pública autonómica.

 

Como formalizo a matrícula unha vez admitido?

 

Unha vez publicadas no DOG (Diario Oficial de Galicia) as listas definitivas de admitidos, as familias deberán presentar o impreso de matrícula a través da sede electrónica da Xunta ou na escola infantil na que obtiveron praza.

• No caso de admisión fóra do prazo ordinario por existencia de vacantes, disporase de 10 días hábiles desde o día seguinte á notificación para formalizar o trámite.

É imprescindible realizar a matrícula dentro do prazo e achegar unha copia da cartilla de vacinación conforme ao calendario de vacinación infantil de Galicia; en caso contrario, a solicitude decaerá.

► Impresos de matrícula:

• Matrícula nas escolas da AGASS (procedemento BS402A e BS402F)
• Matrícula nas escolas da rede Galiña Azul (procedemento BS404A e BS404B)
• Matrícula para fillos/as do persoal da Xunta (procedemento BS402B)

Os impresos tamén se obteñen nas propias escolas infantís.