Axudas de inclusión social (AIS)
As axudas de inclusión social son prestacións económicas non periódicas que teñen como finalidade posibilitar ou reforzar os procesos de inclusión social das persoas ou familias valoradas tecnicamente en situación de exclusión social ou de risco de exclusión social, así como atender as situacións de grave emerxencia de persoas ou familias vulnerables que poidan desencadear un proceso de exclusión social.
Están destinadas a sufragar gastos extraordinarios e urxentes e, se é o caso, a financiar actuacións de acompañamento ou reforzo de carácter excepcional vinculadas ás medidas de apoio dos diferentes tramos da Renda de inclusión social de Galicia (Risga).
As persoas ou unidades de convivencia perceptoras destas axudas vincularanse a proxectos de traballo social ou socioeducativos desenvolvidos desde os servizos sociais comunitarios, que se responsabilizarán do seu seguimento.
- Tipos de axudas de inclusión social
-
As axudas de inclusión social, segundo a súa finalidade, poderán ser dos seguintes tipos:
- Vinculadas ao uso da vivenda: son as destinadas a posibilitar que se continúe habitando a vivenda habitual cando ese feito favoreza o proceso de inclusión. Comprenden axudas para o pagamento de débedas de alugamento e conceptos similares que impidan o desafiuzamento e a perda de subministracións básicas dela ou que reforcen o proceso de tránsito a unha vivenda normalizada de persoas residentes en chabolas ou infravivendas.
- Vinculadas á mellora da habitabilidade da vivenda habitual: destinaranse á adecuación da vivenda, así como a mellorar a súa accesibilidade, co fin de adaptala ás circunstancias físicas da persoa usuaria.
- Destinadas ao equipamento mobiliario básico da vivenda.
- Axudas para a atención de necesidades primarias de alimentación, vestido e enxoval doméstico.
- Axudas para a atención sanitaria e sociosanitaria non cubertas polos sistemas públicos de saúde e de servizos sociais, cando se trate de tratamentos, elementos protésicos ou axudas técnicas que sexan decisivos para evitar un déficit sensorial, de mobilidade, de saúde ou unha situación persoal de desvantaxe que impida ou dificulte gravemente o proceso de integración social.
- Axudas para gastos causados por actuacións complementarias e de acompañamento vinculadas aos itinerarios de inclusión social e formación.
- Axudas para gastos extraordinarios derivados de procesos de axuste persoal, especialmente nos casos de trastornos relacionados coa drogodependencia
- Vinculadas ao uso da vivenda: son as destinadas a posibilitar que se continúe habitando a vivenda habitual cando ese feito favoreza o proceso de inclusión. Comprenden axudas para o pagamento de débedas de alugamento e conceptos similares que impidan o desafiuzamento e a perda de subministracións básicas dela ou que reforcen o proceso de tránsito a unha vivenda normalizada de persoas residentes en chabolas ou infravivendas.
- Requisitos
-
- Ser maior de idade.
- Estar empadroado ou empadroada e ter residencia constatada polos servizos sociais comunitarios básicos en calquera dos concellos da Comunidade Autónoma de Galicia.
- Non dispor de ingresos suficientes para afrontar os gastos derivados da situación que xustifica a solicitude da axuda.
Con carácter xeral só se poderá conceder unha axuda de inclusión social do mesmo tipo por ano.
Para o cumprimento do requisito de carecer de ingresos ou rendas suficientes:consideraranse ingresos insuficientes cando non sexan superiores ao 125% do importe do tramo persoal e familiar da renda de inclusión que lle correspondería á unidade de convivencia.
Límites RISGA
Limites AIS
Núm. convivintes
sen menores*
con menores**
sen menores*
con menores**
1 (Ingreso mínimo)
469,20
586,50
2 (Ing. mínimo + 14% IPREM)
556,80
696,00
3 (Ing. mínimo + 26% IPREM)
631,80
789,75
4 (Ing. mínimo + 36% IPREM)
694,20
867,75
5
720,00
756,60
900,00
945,75
6
720,00
810,00
900,00
1.012,50
7
720,00
810,00
900,00
1.012,50
* Límite máximo sin menores (120% IPREM) =720,00
** Límite máximo con menores (135% IPREM) =810,00 - Contías das AIS para 2023
-
Para determinar o importe dos distintos tipos de axudas de inclusión social atenderase ao seguinte cadro:
Tipo de axuda
Límite importes
Límite temporal
Vinculadas ao uso da vivenda
2,6 IPREM
1.560,00
cada 2 anos
Vinculadas á mellora da habitabilidade da vivenda
10,40 IPREM
6.240,00
cada 5 anos
Equipamento mobiliario básico da vivenda
2,09 IPREM
1.254,00
cada 2 anos
Atención das necesidades primarias de alimentación, vestido e enxoval doméstico
2,09 IPREM
1.254,00
cada 2 anos
Atención sanitaria e sociosanitaria non cuberta polo sistema público de saúde e de servizos sociais
2,09 IPREM
1.254,00
cada 2 anos
Actuacións complementarias e de acompañamento vinculadas aos itinerarios de inclusión social e formación
2,09 IPREM
1.254,00
cada ano
Gastos extraordinarios derivados de procesos de axuste persoal
2,09 IPREM
1.254,00
cada ano
- Subsidiaridade e Incompatibilidades
-
As axudas de inclusión social vinculadas ao uso da vivenda e á mellora da habitabilidade da vivenda habitual son subsidiarias daquelas que lles poidan corresponder ás persoas no marco das medidas específicas de promoción da vivenda social e similares desenvolvidas por calquera administración pública.
As axudas de inclusión social para a atención de necesidades primarias e para a atención sanitaria e sociosanitaria terán carácter subsidiario con respecto a calquera outra axuda ou prestación pública destinada á mesma finalidade.
As axudas de inclusión social para actuacións complementarias e de acompañamento vinculadas aos itinerarios de inclusión social e formación e as axudas para gastos extraordinarios derivados de procesos de axuste persoal son complementarias da renda de inclusión social de Galicia.
- Solicitude
- Onde solicitar unha AIS
-
- Servicios sociais comunitarios básicos do concello de residencia.
- Xefatura territorial da Consellería de Política Social da provincia de residencia.
A Coruña
Lugo
Xefatura Territorial de Política Social e Xuventude
Servizo de Prestacións, Inclusión e Inmigración Social
Espazo Amizar
Gregorio Hernández, 2
15011 A Coruña
Xefatura Territorial de Política Social e Xuventude
Servizo de Prestacións, Inclusión e Inmigración Social
Ronda de la Muralla, 70
27071 Lugo
Ourense
Pontevedra
Xefatura Territorial de Política Social e Xuventude
Servizo de Prestacións, Inclusión e Inmigración Social
R/ Sáenz Díez, 33
32071 Ourense
Xefatura Territorial de Política Social e Xuventude
Servizo de Prestacións, Inclusión e Inmigración Social
R/ Concepción Arenal, 8
36201 Vigo (Pontevedra)
- Normativa
-
Lei 10/2013, do 27 de novembro, de inclusión social de Galicia (DOG do 31 de decembro).
Decreto 14/2019, do 31 de xaneiro, de desenvolvemento da Lei 10/2013, do 27 de novembro, de inclusión social de Galicia, no relativo á tramitación da renda de inclusión social de Galicia e das axudas de inclusión social (DOG nº: 43 do 1 de marzo).