Programa FSE+ de asistencia material básica (Programa Básico), cofinanciado pola Unión Europea
Programa dirixido a familias con menores ao seu cargo en situación de pobreza severa, que consiste na entrega de tarxetas ou vales para a compra de produtos de primeira necesidade.
Como funciona?
O programa consiste na entrega de tarxetas ou vales (físicos ou electrónicos) ás familias beneficiarias, que poderán empregar para mercar produtos de primeira necesidade, como:
- Alimentos.
- Produtos de hixiene persoal (xabón, champú, pasta de dentes...).
- Produtos de hixiene feminina menstrual.
- Cueiros infantís e outros produtos de asistencia material básica.
Medidas de acompañamento:
Ademais da axuda material, todas as familias participantes reciben, como mínimo, unha medida de acompañamento orientada a favorecer a súa inclusión social, que pode incluír:
- Información sobre os recursos e prestacións sociais dispoñibles e sobre como acceder a eles.
- Derivación aos servizos sociais, educativos, sanitarios ou a outros recursos especializados.
- Asesoramento para a xestión do orzamento familiar.
- Promoción de hábitos de alimentación saudable e educación socioeducativa.
Quen pode solicitalo?
As familias con menores ao seu cargo que se atopen en situación de pobreza severa e que cumpran os requisitos establecidos na normativa reguladora (dispoñible ao final da páxina).
Onde se tramita?
As solicitudes tramítanse a través dos servizos sociais comunitarios do concello de residencia, que serán os encargados de valorar o cumprimento dos requisitos de acceso ao programa.
Cal é a contía?
|
Nº membros |
Contía |
Contía total |
|---|---|---|
|
2 persoas |
130 € |
1.560 € |
|
3 persoas |
160 € |
1.920 € |
|
4 persoas |
190 € |
2.280 € |
|
5 ou máis persoas |
220 € |
2.640 € |
*Número de membros da unidade familiar ou de convivencia (sendo menor de idade polo menos un deles).
Información do programa:
- Obxectivo político: Unha Europa máis social e inclusiva, mediante a aplicación do Pilar Europeo de Dereitos Sociais.
- Prioridade: Loita contra a privación material, apoiando ás persoas máis desfavorecidas no marco do obxectivo específico establecido no artigo 4.1.m) do Regulamento do FSE+.
- Obxectivo específico: ESO 4.13: Loita contra a privación material.
- Campo de intervención: 164. Emendar as carencias materiais das persoas máis desfavorecidas mediante a provisión de alimentos ou asistencia material, incluídas medidas de acompañamento.
- Órgano xestor: Subdirección Xeral de Prestacións e Programas de Inclusión, Consellería de Política Social e Igualdade, Xunta de Galicia
Documentos oficiais relacionados:
- Programa Básico aprobado pola Comisión Europea (PDF)
- Resolución do 22 de outubro de 2025 pola que se establecen as bases reguladoras do concerto social para a xestión do Programa FSE+ de asistencia material básica (Programa Básico) en Galicia, cofinanciado pola Unión Europea (BS213W)
- Resolución do 10 de decembro de 2025, da Dirección Xeral de Inclusión Social, pola que se publica a Resolución do 9 de decembro de 2025 pola que se selecciona a unha entidade privada de iniciativa social, mediante o procedemento de asignación de concerto social, para a xestión do Programa FSE+ de asistencia material básica (Programa Básico) en Galicia, cofinanciado pola Unión Europea (BS213W)