Xuntos polo Nadal 2026

https://politicasocial.xunta.gal/sites/default/files/web_xunta_xuntospolonadal_11.26_1920x600.jpg

Xuntos polo Nadal é un programa gratuíto da Xunta de Galicia para que as persoas maiores que estean soas poidan pasar estas datas acompañadas doutras persoas na mesma situación, cun amplo programa de actividades socioculturais.

Cando é?

Pódese elixir unha destas tres quendas:

  • 16 días: do 23 de decembro de 2026 ao 7 de xaneiro de 2027
  • 8 días: do 23 ao 30 de decembro de 2026
  • 8 días: do 31 de decembro de 2026 ao 7 de xaneiro de 2027
Onde ten lugar?
Que inclúe?
  • Aloxamento en habitacións compartidas durante 16 días ou 8 días.
  • Manutención en réxime de pensión completa.
  • Actividades de animación sociocultural.
  • Traslado en autobús desde as principais cidades (A Coruña, Ferrol, Santiago, Lugo, Ourense, Pontevedra e Vigo).
Requisitos
  • Ter 60 anos ou máis.
  • Estar empadroado en Galicia.
  • Vivir só no seu domicilio e non ter con quen pasar as datas do Nadal.
  • Valerse por si mesmo e non padecer enfermidades transmisibles, nin trastornos mentais ou condutuais que poidan alterar a convivencia.
  • Recoméndase estar vacinado fronte a Covid e a gripe.

Terán preferencia as persoas que:

  • Perderan ao seu cónxuxe ou á persoa coa que convivisen nos últimos dous anos.
  • Teñan máis idade.
  • Non participaran en edicións anteriores do programa.
Solicitude

O prazo de solicitude vai do 16 ao 30 de novembro de 2026 (ambos incluídos).

Solicitarase cubrindo os tres formularios anexos na parte inferior: Solicitude, declaración responsable e informe social.

Máis información
  • No teléfono social gratuíto: 900 333 666
  • Presencialmente nos centros sociocomunitarios da Xunta, servizos sociais dos Concellos ou centros de saúde.