Xuventude Crea

Anuario dos premios do certame de creadores novos Xuventude Crea que convoca a Dirección Xeral de Xuventude, Participación e Voluntariado. A publicación das distintas edicións pretende dar a coñecer e mostrar o talento e as posibilidades creativas da xente nova en Galicia. O certame, convocado pola Dirección Xeral de Xuventude, Participación e Voluntariado, nesta última edición, recompila as obras gañadoras dos premiados no 2021 nas súas 14 especialidades: Artes plásticas, Banda deseñada, Cociña, Danza moderna, Creación de videoxogos, Deseño de xoias, Fotografía, Graffiti, Moda, Música, Novela curta, Poesía, Teatro e Videocreación. De cada autor infórmase sobre a súa formación académica, experiencia profesional e unha nota biográfica acompañada dunha fotografía da obra premiada.