Historia social única electrónica: Recomendacións básicas en materia de protección de datos no contexto do uso da HSUE polos servizos sociais comunitarios dos concellos

O convenio de colaboración entre a Xunta de Galicia, a través da Consellería de Política Social e a Amtega, e a Federación Galega de Municipios e Provincias (Fegamp) prevé un modelo para a utilización da Historia social única electrónica (HSUE) por parte dos servizos sociais comunitarios municipais. Este documento compila as obrigas dos concellos con respecto ao tratamento dos datos recollidos nas sesións cos distintos profesionais que participan no proceso de intervención social no referente á incorporación de datos no sistema da HSUE. Tamén se centra nas obrigas do concello con relación ao tratamento que comporta a incorporación da dita información á HSUE.