Estudo sobre senfogarismo feminino e violencia de xénero en Galicia

A realización dun estudo sobre o senfogarismo feminino e violencia de xénero en Galicia é unha das medidas previstas no Plan de persoas sen fogar de Galicia 2019-2023. Para levalo a cabo, a Xunta de Galicia contou coa colaboración do equipo de investigación da Universidade de Santiago de Compostela. O traballo realizouse coa supervisión da Consellería de Política Social-Dirección Xeral de Inclusión Social, en colaboración coa Secretaría Xeral de Igualdade e co apoio dos fondos do Pacto de Estado contra a Violencia de Xénero. A dita investigación, que identifica as necesidades diferenciadas das mulleres nese ámbito, servirá para mellorar a rede de atención ás persoas sen fogar.