Xuntos polo Nadal 2025

Pódese elixir unha destas tres quendas:

• 16 días: do 23 de decembro de 2025 ao 7 de xaneiro de 2026
• 8 días: do 23 ao 30 de decembro de 2025
• 8 días: do 31 de decembro de 2025 ao 7 de xaneiro de 2026

• Residencia de Tempo Libre do Carballiño (Ourense)

  Para os solicitantes procedentes das provincias de Pontevedra e Lugo

• Residencia de Tempo Libre de Panxón, en Nigrán (Pontevedra)

  Para os solicitantes procedentes das provincias da Coruña e Ourense

• Aloxamento en habitacións compartidas.
• Manutención en réxime de pensión completa.
• Actividades de animación sociocultural.
• Traslado en autobús desde as principais cidades (A Coruña, Ferrol, Santiago, Lugo, Ourense, Pontevedra e Vigo).

• Ter 60 anos ou máis.
• Estar empadroado en Galicia.
• Vivir só no seu domicilio e non ter con quen pasar as datas do Nadal.
• Valerse por si mesmo e non padecer enfermidades transmisibles, nin trastornos mentais ou condutuais que poidan alterar a convivencia.
• Recoméndase estar vacinado fronte a COVID 19 e a GRIPE.

Terán preferencia as persoas que:

• Perderan ao seu cónxuxe ou convivente habitual nos últimos anos.
• Teñan máis idade.
• Non participaran nunca no programa.

O prazo de solicitude vai do 13 ao 26 de novembro de 2025 (ambos incluídos).

Solicitarase cubrindo os tres formularios anexos na parte inferior: Solicitude, declaración responsable e informe social.

• Online: a través da sede electrónica da Xunta de Galicia (formulario PR004).
• Presencialmente: nos rexistros do procedemento administrativo común, e dirixiranse ás xefaturas territoriais correspondentes.

• No teléfono social gratuíto: 900 333 666
• Presencialmente nos centros sociocomunitarios da Xunta, servizos sociais dos Concellos ou centros de saúde.