|
|
Obxectivo político:
4.: Unha Europa máis social e inclusiva, por medio da aplicación do piar europeo de dereitos sociais.
Prioridade
4. Loita contra a privación material (Apoio ás persoas máis desfavorecidas no marco do obxectivo específico establecido no artigo 4, apartado 1, letra m), do Regulamento do FSE+)
Obxectivo específico:
ESO 4.13.: Loita contra a privación material
Campo de intervención
164: Emendar as carencias materiais dos máis desfavorecidos mediante a provisión de alimentos ou asistencia material, incluídas medidas de acompañamento.
Descrición das operacións:
Órgano xestor: Subdirección Xeral de Prestacións e Programas de Inclusión.
O Programa FSE+ de asistencia material básica (Programa Básico) na Comunidade Autónoma de Galicia, cofinanciado pola Unión Europea, ten como finalidade facer fronte á privación material das familias máis desfavorecidas con menores a cargo, a través dun sistema de tarxetas e/ou vales físicos ou electrónicos intercambiables por alimentos e outros produtos de asistencia material básica (xabón, champú, pasta de dentes, produtos de hixiene feminina menstrual, cueiros infantís...).
A provisión de alimentos e de asistencia material básica estará complementada, como mínimo, por unha medida de acompañamento que apoie os procesos de inclusión social das familias beneficiarias. As medidas de acompañamento poderán consistir en:
· Facilitar información sobre os recursos e prestacións sociais dispoñibles, e sobre o acceso aos mesmos.
- Derivación ou reorientación aos recursos sociais, educativos e sanitarios, entre outros.
- Asesoramento sobre a xestión dun orzamento doméstico.
- Promoción socioeducativa de hábitos de alimentación saudable.
Os importes das tarxetas e/ou vales que lle corresponden a cada unidade familiar veñen fixados polo propio Programa, de acordo coa seguinte táboa:
|
Número de membros da unidade familiar ou de convivencia (sendo menor de idade polo menos un deles) |
Contía mensual |
Contía total (12 meses) |
|
2 persoas |
130 € |
1.560 € |
|
3 persoas |
160 € |
1.920 € |
|
4 persoas |
190 € |
2.280 € |
|
5 ou máis persoas |
220€ |
2.640 € |
As solicitudes de acceso ao programa serán tramitadas polos servizos sociais comunitarios do concello de residencia da persoa solicitante.
Ligazóns á documentos oficiais relacionados co programa:
-Programa Básico aprobado pola Comisión Europea:
-Resolución do 22 de outubro de 2025 polo que se establecen as bases reguladoras do concerto social para a xestión do Programa FSE+ de asistencia material básica (Programa Básico) na Comunidade Autónoma de Galicia, cofinanciado pola Unión Europea (código de procedemento BS213W).
https://www.xunta.gal/dog/Publicados/2025/20251029/AnuncioG0762-221025-0002_gl.html
-Resolución do 10 de decembro de 2025, da Dirección Xeral de Inclusión Social, pola que se publica a Resolución do 9 de decembro de 2025 pola que se selecciona a unha entidade privada de iniciativa social, mediante o procedemento de asignación de concerto social, para a xestión do Programa FSE+ de asistencia material básica (Programa Básico) na Comunidade Autónoma de Galicia, cofinanciado pola Unión Europea (código de procedemento BS213W):
https://www.xunta.gal/dog/Publicados/2025/20251215/AnuncioG0762-101225-0001_gl.html