Orde que regula as instalacións xuvenís dependentes da Vicepresidencia da Igualdade e do Benestar

Estado: Vixente
Orixe: Lexislación autonómica
Observacións:
As instalacións xuvenís son un instrumento ao servicio dos mozos, e a Vicepresidencia da Igualdade e do Benestar é consciente da precariedade e insuficiencia de medios e instalacións axeitadas de que dispoñen as asociacións xuvenís e demais entidades públicas e privadas que realizan actividades coa infancia e a xuventude. En consecuencia, co obxecto de facilitar o uso de instalacións axeitadas a estas entidades para a realización de actividades xuvenís no ámbito do lecer durante o verán deste ano, a Vicepresidencia da Igualdade e do Benestar pon á disposición destas e regula, a través desta orde e baixo a denominación de oferta concertada, o réxime de utilización das súas instalacións xuvenís durante a campaña verán -2008, que abrangue o período do 15 de xuño ao 30 de setembro.