A política da Xunta de Galicia en materia de inmigración desenvólvea a Dirección Xeral de Inclusión Social, a través do Servizo de Atención ás Persoas Inmigrantes, que ten encomendadas, entre outras, as seguintes funcións:
- Propoñer, xestionar e avaliar os programas e axudas de inclusión activa e integración sociolaboral das persoas inmigrantes.
- Coordinar a rede de información ás persoas inmigrantes das distintas administracións e entidades colaboradoras.
- Coordinar a acollida e integración das persoas refuxiadas en Galicia.
- Informar, asesorar e difundir as actuacións en materia de inmigración.
- Elaborar as estatísticas da área.
- Xestionar as partidas orzamentarias.
- Xestionar os programas financiados pola Unión Europea e de cooperación transfronteiriza.
- Informe sobre o esforzo de integración
-
Emisión, por parte da Xunta de Galicia, dos informes de esforzo de integración das persoas estranxeiras residentes na comunidade, que poden ser valorados nos procedementos de renovación das autorizacións de residencia.
Para a súa elaboración téñense en conta, entre outros aspectos, a participación en accións formativas sobre os valores constitucionais e estatutarios, os dereitos humanos, as liberdades públicas, a democracia, a tolerancia, a igualdade entre mulleres e homes e a aprendizaxe das linguas oficiais de Galicia.
A normativa tamén regula o procedemento de emisión destes informes e determina o contido mínimo da formación e as entidades habilitadas para impartila.
- Subvencións a corporacións locais
-
Apoio económico ás corporacións locais para o desenvolvemento de programas de emerxencia e inclusión social, incluídos programas específicos dirixidos á atención e á inclusión da poboación inmigrante.
- ORDE do 6 de agosto de 2019 pola que se establecen as bases que rexerán a concesión de subvencións a corporacións locais para programas de emerxencia social e a inclusión social da poboación xitana, inmigrante e outras persoas en risco de exclusión, e se procede á súa convocatoria para os anos 2019 a 2021 (cofinanciada polo Fondo Social Europeo no marco do programa operativo FSE Galicia 2014-2020) (código de procedemento BS623C).
- ORDE do 24 de xullo de 2018 pola que se establecen as bases que rexerán a concesión de subvencións a corporacións locais para o investimento en centros de inclusión e emerxencia social e a inclusión social da poboación xitana, inmigrante e outras persoas en risco de exclusión, e se procede á súa convocatoria para os anos 2018 e 2019 (cofinanciada parcialmente polo Fondo Social Europeo e polo Fondo Europeo de Desenvolvemento Rexional no marco dos programas operativos FSE Galicia 2014-2020 e Feder Galicia 2014-2020).
- Subvencións a entidades de iniciativa social
-
Apoio económico a entidades de iniciativa social que desenvolven programas no ámbito dos servizos sociais comunitarios e da inclusión social, especialmente aqueles orientados á inclusión sociolaboral da poboación inmigrante.
- ORDE do 4 de maio de 2020 pola que se establecen as bases que rexerán a concesión de subvencións a entidades de iniciativa social para a promoción de actuacións de servizos sociais comunitarios e inclusión social, e se convocan para os anos 2020, 2021 e 2022, cofinanciadas parcialmente polo Fondo Social Europeo e polo Fondo Europeo de Desenvolvemento Rexional no marco dos programas operativos FSE Galicia 2014-2020 e Feder Galicia 2014-2020 (código de procedemento BS631A).
- ORDE do 13 de xuño de 2018 pola que se establecen as bases que rexerán a concesión de subvencións a entidades de iniciativa social para a promoción de actuacións de servizos sociais comunitarios e inclusión social e se procede á súa convocatoria para os anos 2018, 2019 e 2020 (cofinanciada parcialmente polo Fondo Social Europeo e polo o Fondo Europeo de Desenvolvemento Rexional no marco dos programas operativos FSE Galicia 2014-2020 e Feder Galicia 2014-2020).
- Servizo de atención a víctimas de discriminación racial ou étnica
-
Se cres que fuches vítima dunha discriminación e tes dúbidas sobre que deberías facer, ponte en contacto co Servizo de asistencia ás vítimas de discriminación racial ou étnica do Goberno de España.
Chama ao número de teléfono: 021
En España, o ordenamento xurídico protexe as persoas que son discriminadas pola súa orixe racial ou étnica.
- Máis información
-
Na web do Ministerio de Inclusión, Seguridade Social e Migracións pode consultarse a actualidade, programas, estatísticas e normativa en materia de inmigración en España.
- Normativa