Nova

Corcubión (A Coruña), 28 de xuño de 2026

O centro sociocomunitario de Corcubión, dependente da Consellería de Política Social e Igualdade, celebrou esta semana a festa anual que pon fin a tempada de actividades, antes das vacacións de verán.

Na tarde do 25 de xuño reuniuse un gran número de usuarios que gozou dunha mostra dos traballos máis significativos realizados ao longo do ano, e tamén da reportaxe fotográfica sobre o seu funcionamento ao longo de 36 anos, que son os mesmos que leva á fronte do centro a súa actual directora, Ana Varela-Portas.

Cada día, usuarios de diversas idades reúnense neste centro para charlar, ler a prensa ou ver a televisión. Entre as actividades organizadas destacan ximnasia, baile, manualidades, pintura, informática e xadrez, ademais de iniciativas puntuais de costura e calceta.