Nova

Vigo, 23 de decembro de 2025

A delegada territorial da Xunta en Vigo, Ana Ortiz, participou este martes na entrega de premios do concurso de postais celebrado no Centro Sociocomunitario de Bouzas. Os nove centros dos que a Xunta dispón en Vigo (Rivera Atienza, Bouzas, Coia, Pi y Margall, Teis e O Calvario), Redondela, Baiona e O Porriño mobilizan anualmente a máis de 13.000 usuarios con preto de 400 actividades. A programación de actividades converten estas instalacións no epicentro de ocio dos barrios e inclúen obradoiros temáticos, charlas, clases de ximnasia, ioga, tai chi e pilates, de informática, manualidades, pintura, teatro, poesía ou baile.