Nova
Compartir
A Xunta súmase á campaña de Nadal da Federación galega de enfermidades raras e crónicas
O director xeral de Maiores e Atención Sociosanitaria, Antón Acevedo, asistiu hoxe á presentación da iniciativa, que leva por título Calcetíns solidarios
Santiago de Compostela, 24 de novembro de 2025
O director xeral de Maiores e Atención Sociosanitaria, Antón Acevedo, participou esta mañá na presentación da campaña solidaria de Nadal da Federación Galega de Enfermidades Raras e Crónicas (Fegerec). O obxectivo desta campaña, que tamén conta coa colaboración dos colexios de farmacia, é concienciar á sociedade sobre a realidade das persoas que teñen enfermidades raras e recadar fondos para mellorar o seu benestar e o das súas familias.
Antón Acevedo destacou a importancia de apoiar o traballo que leva a cabo esta entidade, que presta todo tipo de axuda ás familias: desde asesoramento ata a busca dun diagnóstico, pasando por tratamento psicolóxico e de rehabilitación. Este nadal, Fegerec cambia os seus clásicos bastóns de caramelo por calcetíns.