Nova

Ferrol, 24 de outubro de 2025

A delegada territorial da Xunta en Ferrol, Martina Aneiros, mantivo esta mañá unha reunión de traballo con representantes da Asociación de Persoas Xordas de Ferrolterra (AXF) encabezados pola súa presidenta, Teresa Gallo, co fin de coñecer os proxectos nos que está a traballar actualmente a entidade social.

Durante o encontro que se enmarca no proceso de escoita activa que vén desenvolvendo a Delegación Territorial coa finalidade de coñecer de primeira man as necesidades e demandas do territorio en referencia á Administración autonómica, tamén se analizaron novas vías de colaboración.

A Asociación de Persoas Xordas de Ferrolterra (AXF) leva máis dun lustro traballando a prol da defensa dos dereitos das persoas xordas das comarcas de Ferrol, Eume e Ortegal, avogando pola súa inclusión social e a eliminación de barreiras de comunicación, en condicións de accesibilidade universal.