Nova

Lugo, 21 de febreiro de 2025

O delegado territorial de Lugo, Javier Arias, asistiu hoxe á gala solidaria Diez Raz10nes a favor das asociacións Down Lugo e Raiolas, impulsada por un grupo de empresarios lucenses coa colaboración da Xunta de Galicia.

A gala, que se desenvolveu no Salón Rexio do Círculo das Artes de Lugo, reuniu a unha ducia dos mellores cociñeiros e cociñeiras do panorama galego e nacional -encargados da oferta gastronómica- e contou ademais con actuacións como as do mago Rafa ou La Penúltima Sabinera.  A Escola de Hostalería do IES Sanxillao participou tamén no evento.

A recadación obtida distribuirase ao 50 % entre a Asociación Raiolas, para reforzar os servizos que presta ás persoas con Trastorno do Espectro Autista (TEA), e Down Lugo, para potenciar o seu  programa de fomento do emprego.

Arias destacou o apoio do Goberno galego a este “innovador evento gastronómico e solidario, que reforza a oferta cultural da cidade ao tempo que dá visibilidade ao importante labor social e de integración que desenvolven as asociacións Raiolas e Down Lugo”.