A adopción é unha medida de protección dirixida a NNA en situación de desamparo dirixida á súa integración definitiva nunha familia distinta á súa familia de orixe. A súa finalidade é proporcionar aos NNA unha familia que satisfaga as súas necesidades afectivas, socioeducativas e de desenvolvemento persoal, facendo prevalecer o seu interese sobre calquera outros.

As familias adoptantes son previamente valoradas polos equipos técnicos de adopción, co fin de seleccionar a mellor familia para o NNA.

A garda co fin de adopción, regulada no art. 176 bis do Código Civil, permite que poida iniciarse a convivencia provisional entre o NNA e as persoas consideradas idóneas para a adopción con anterioridade á presentación da proposta de adopción pola Entidade Pública ao Xulgado, co fin de evitar que o NNA teña que permanecer durante ese tempo nun centro de protección ou con outra familia.

Máis información:

• Apartados 3.8 e 3.11 da Guía Xurídica para a protección á infancia e a adolescencia
• Información para a cidadanía - Portal Galego de Adopcións
• Circulares da Xunta de Galicia sobre a adopción
• Programa de adopcións especiais