Aínda que pode haber excepcións que deberán ser propostas polos Equipos Técnicos do Menor e aprobadas polo departamento territorial que corresponda, procederase ao peche de expediente cando se dean as seguintes circunstancias:

• Desaparición das causas que motivaron a intervención protectora. Non hai desprotección. O NNA está a vivir coa súa familia de orixe habendo garantías de que vai recibir un coidado adecuado e que vai ter as súas necesidades básicas satisfeitas. Houbo unha evolución positiva na situación familiar, e desapareceu a situación de desprotección. A familia non necesita o apoio de SSE para cubrir as necesidades básicas do NNA.
• A persoa adulta causante da situación de grave desprotección do NNA xa non vive no domicilio familiar e non vai ter acceso a el/ela
• O ou a moza alcanzou a maioría de idade. En caso de necesitar apoios, derívaselle aos servizos pertinentes.
• O ou a adolescente ten entre 16-18 anos, está emancipado ou emancipada legalmente.
• Adopción do NNA.
• Falecemento do NNA.
• Traslado do NNA a outra Comunidade Autónoma (exceptúanse os casos de acollemento familiar temporal) ou a outro país.
• Diminución da gravidade da desprotección, deixando de existir desprotección de gravidade elevada ou moi elevada, aínda que segue existindo desprotección moderada ou outra situación de risco cara ao NNA.

En casos atendidos por SSE onde se levou a cabo un traballo de capacitación parental -orientado a ben á preservación ou ben á reunificación familiar-, unha vez constátese que a desprotección desapareceu ou diminuíu de gravidade a nivel moderado e estando o NNA no domicilio familiar, os SSE manterán a súa intervención un mínimo de seis meses máis para reforzar os cambios producidos e asegurar a súa estabilidade. Se, transcorrido ese tempo e sendo a evolución positiva, o NNA e/ou a familia seguisen requirindo apoios específicos que non puidesen ser proporcionados por recursos municipais ou comunitarios e unicamente puidesen ser provistos nas condicións requiridas por programas especializados dependentes de SSE, estes últimos poderán prorrogar a súa intervención.

Cando o técnico referente e o seu Equipo valoren que pode ser pertinente o peche de expediente,seguirán o procedemento e prazos de tempo para levalo a cabo. Elevarán a proposta ao departamento territorial que corresponda para a súa análise e, no seu caso, aprobación, a través da correspondente resolución motivada.

No caso de que se considere necesario que os SSC continúen realizando un seguimento ou proporcionando apoio ao NNA ou á familia, remitiráselles informe, facendo referencia expresa á problemática detectada que requira o seu seguimento ou intervención directa. Se se considera necesario, a remisión do informe poderá ir precedida por un contacto persoal (telefónico ou presencial) coa persoa responsable ou profesional correspondente en SSC. Tanto o informe de derivación como os contactos quedarán rexistrados no expediente. O técnico/a referente informará do cambio de profesional referente aos pais, nais ou persoas titoras ou gargadoras, e, no seu caso, tamén ao NNA. Esta comunicación realizarase de forma presencial -ademais de por escrito se se considera pertinente- e poderá contar coa presenza conxunta de profesionais de SSC e SSE se se valora necesario.

Para proceder ao peche do expediente, ademais de remitir as notificacións e comunicacións oportunas, o técnico/a referente levará a cabo un peche formal da intervención cos pais, nais ou persoas titoras ou gargadoras, co NNA se fose pertinente, e coa rede de servizos e profesionais relevantes no caso. O peche cos membros da familia realizarase, salvo imposibilidade, en forma de entrevista persoal.

No expediente deberán quedar recollidas as xestións técnicas e administrativas realizadas para o peche de expediente, así como unha copia de todas as notificacións e informes remitidos ou recibidos polo Servizo con este motivo. Deberá tamén quedar dilixenciado que o técnico/a referente ha realizado os trámites oportunos cos SSC.