Tutela

A situación de tutela administrativa prodúcese, por ministerio da lei, cando a Administración aprecia unha situación de desamparo dunha persoa menor de idade (art. 172 Código Civil; art. 18 Lei Orgánica 1/1996, do 15 de xaneiro, na redacción dada pola Lei 26/2015, do 28 de xullo), adoptando as medidas de protección precisas. Por principio, debe entenderse como unha proposta transitoria, como situación provisional e en tanto non exista outra alternativa.

Desde ese momento a patria potestade mantéñena os proxenitores, pero queda en suspenso. Os deberes de garda e custodia son asumidos pola Entidade pública, que deberá cumprir todos os deberes que como titor correspóndenlle de acordo co establecido no Código Civil

i Máis información no apartado 3.5 da Guía para a protección xurídica á infancia e á adolescencia.

Circunstancias a valorar para a proposta de DesamparoCircunstancias adicionais a considerar para a proposta de medida de protección de carácter urxente
  • Presenza de indicadores de desprotección de gravidade elevada ou moi elevada (segundo instrumento Valora-Galicia).
  • Existencia de circunstancias na contorna do NNA que non son controlables e supoñen un perigo a curto prazo para a súa vida ou integridade básicas.
  • Presenza de características do propio NNA que lle colocan en situación de especial vulnerabilidade (p.ex., curta idade, discapacidade ou necesidades especiais, implicación en condutas de alto risco autoinfrixidas ou autolesivas).
  • Ausencia ou insuficiencia de colaboración activa da familia cos Servizos Sociais, de acordo aos criterios sinalados no instrumento Valora-Galicia.
  • Insuficiente conciencia de problema ou motivación de cambio por parte dos membros da familia.
  • Prognóstico negativo de capacitación parental ou de modificación das circunstancias familiares asociadas á aparición ou mantemento da desprotección a curto ou medio prazo.
  • Imposibilidade de levar a cabo un traballo de capacitación parental cunha medida de Garda temporal.
  • Balance positivo dos efectos da medida na situación do NNA (beneficios vs. riscos/prexuízos)
  • En casos de adolescentes, aceptación da medida pola súa banda.
A vida ou integridade básicas do NNA atópanse en perigo grave e inminente e non é posible controlar a situación mantendo ao NNA na súa contorna familiar.

Será pertinente propoñer a declaración de Desamparo dun NNA cando:

  • O NNA vese afectado por unha situación de desprotección de gravidade moi elevada, e excepcionalmente tamén gravidade elevada, e os recursos de apoio técnico dispoñibles son insuficientes para garantir o mantemento na súa familia sen risco para a súa vida, saúde, integridade física e seguridade básicas, ou O NNA vese afectado por unha situación de desprotección de gravidade moi elevada, elevada ou hai habido unha declaración administrativa de risco, e tras doce meses de intervención proactiva, continuada e suficientemente intensiva dos SSC ou dos SSE, non se produciu unha diminución do nivel de gravidade da desprotección, é dicir, non se produciron cambios significativos no comportamento parental e o dano no NNA persiste ou incrementouse, e non se dispón doutros recursos de apoio técnico dirixidos á preservación familiar que se prevexa poidan modificar a situación familiar.
  • Prevese que unha evolución negativa na situación do NNA se se mantén na súa contorna familiar nas condicións existentes.
  • A medida de protección pode levarse a cabo en condicións talles que os seus posibles riscos ou prexuízos sobre o NNA sexan minimizados ou controlados, e os seus beneficios resulten claramente superiores a eses posibles riscos ou prexuízos.
  • Cando se trate de adolescentes, e salvo en casos de extrema gravidade, traballouse con eles a aceptación da medida.
  • A medida de protección é a única intervención posible que permite asegurar o benestar do NNA.
  • Non é posible ou non se considera apropiado levar a cabo un traballo de capacitación parental cunha medida de Garda temporal en atención ás circunstancias que concorren no caso concreto.